Monday 26 October 2009

Anong Nangyari?

Ano na nga ba ang nangyari, sa Blog kong napipi?
Matagal na naghilik, matagal na tumahimik.
Di alam ang dahilan ng biglaang pagtigil.

Ngunit huwag mabahala, di ito ang katapusan.
Bagkus ito ang simula ng panibagong kasaysayan.
Maraming naglalaro sa aking isipan,
Ano ang maganda, saan dapat magsimula.

Di pala biro ang blog-blogang ito.
Tiyak na hihinto pag di mo sineryoso.
Dapat tutukan at dapat bantayan,
Araw-araw na kwento ng buhay ni Juan.

Masyadong naging abala sa samut-saring gawain.
Trabaho, pamilya, potograpiya't bayanihan.
Beinte-kwatro oras kulang pa talaga naman.
Paano hahatiin, ako'y tulungan mo kaibigan.

Nais kong lumikha ng makabuluhang blog-blogan
Kung ano man ito, sana'y inyong abangan
Gaya ng sabi ko, hindi ito ang katapusan
Basta't maghintay ka lang at iyong tutukan.

Salamat na muli sa pagbisita mo kaibigan,
Sa munti kong blog na konti pa lang ang laman.
Huwag sanang magsawa at dumaan kung minsan,
Baka sakaling may mapulot na magandang aral.

No comments:

Post a Comment